蛋包飯

日期: 2007年6月5日

我第一次煮蛋包飯, 因為龍貓鐘意食, 所以我試煮, 不過我相信以我的聰明才智, 吾會難到我...

我想蛋包住嘅飯有多d口感, 所以我先加蟹柳去炒香佢, 然後才用蛋皮包起佢, 通常蛋包飯配茄汁好味d, 所以我買左4大個蕃茄, 將佢去皮加少少蕃茄汁同香草煮成汁, 然後淋上蛋包飯上面...

當然我吾會淨係整一個蛋包飯咁少啦, 我買了紅黃綠燈籠椒(吉之島$8.9)、魷魚仔(百佳$10)、好靚嘅大啡菇(吉之島有售, $27.9一包)去炒, 好好味, 好健康...d紅黃椒好甜, 綠椒無咁甜, 但都ok, 而大啡菇好有菇味, 千祈吾好煮得d菇咁熟, 爽爽地仲好味...

我好滿意呢餐, 因為實在太好味, 而且又覺得自己好叻...

咬一啖先, 好味呀~~~

就係呢d大啡菇啦, 雖然係貴, 但好好味...可以炒, 又可以做沙律架...

完成圖--個賣相係吾係好掂呢?

上面咁大舊的蛋包飯係龍貓嘅, 下面細舊d係我嘅....

 

咸牛肉牛角飽

日期: 2007年6月26日(星期二)

今天晚上沒有人陪我, 我也不想回大埔家食飯, 所以放工後隨隨便便的到超級市場走走...

晚餐究竟吃什麼呢? 自己一個吃什麼也沒有所謂, 突然看到咸牛肉有特價, 買兩罐$39.9, 平時這牌子很貴, 現在好似平了少少, 所以便買了兩罐...忽然靈感一到, 想到了晚上吃什麼了, 就是雞蛋咸牛肉牛角飽...

材料: 雞蛋兩隻、咸牛肉5份一罐、牛角飽一個

做法: 超簡單...首先將牛肉入焗爐烘熱, 然後將一舊舊的咸牛肉壓爛, 並略為炒香, 加入雞蛋炒熟, 然後放上脆卜卜的牛角飽上, 再加些個人喜好上去, 例如, 生果....當晚我雪櫃咁岩有個富士蘋果, 咁就做來做少少點綴啦~~大功告成, 食得啦!!

賣相雖然吾係好靚, 但係又簡單又易做又好味架, 你都試下啦...不過好似似早餐多d喎....

咖哩雞翼飯及紅黃綠燈籠椒蟹柳蘑菇沙律

日期：2007年6月5日(星期二)

今日很想食咖哩, 屋企有一磅雞翼, 所以就決定整咖哩雞翼飯啦... 去到吉之島想買中式咖哩, 但係搵黎搵去都搵吾到, 最後諗住退而求其次, 煮日式咖哩...之後買左d紅蘿白、蘑菇、薯仔、紅黃綠椒及腐皮魚肉卷...當我到收銀行付款後, 行到門口才發覺有印尼咖o厘, 最後我忍吾到手, 又買多一包咖o厘...

我不喜歡食日本咖o厘, 因為日本咖o厘好少加花奶或椰奶, 而我就是最鐘意呢d奶嘅人, 所以我寧願食印尼咖o厘...  

 

咖o厘雞翼飯...入面有薯仔、蘑菇、紅蘿白、青椒, 還有我自己加的腐皮魚肉卷...

近來好鐘意食紅黃椒, 所以又用佢黎做沙律, 加d芝麻醬, 撈兩撈...好味...

簡簡單單又一餐啦! yeah!

 

清蒸蟹及薑蔥炒蟶子

日期：２００７年６月１８日（星期一）

聽日係端午節吾駛返工，所以今日好想食蟹，因為食蟹通常要食成個幾兩個鐘，所以第日放假就最好，因為可以食到１０點，哈哈．．．

今日在廟收工，原來諗住o係九龍城買蟹, 但係好貴, 而且無乜其他海鮮選擇, 所以急急腳返上水石湖墟街市買...去到街市都已經七點幾, 個街市差吾多收工, 我行左幾個圈去格下價, 價錢比九龍城街市平好多, 而且又多d選擇...最後, 我買了六隻蟹和斤幾蟶子... 原本想買多斤蜆, 但怕太多, 最後無買...

返到屋企, 我洗蟹同"湯"蟹用左成個鐘, 我一路"湯"蟹一路去思考一個問題, 點解我識"湯"蟹? 我都吾知點解, 唯一解釋就係因為我叻...唉~~

各位觀眾~~清蒸蟹已經完成啦! 係吾係排得好靚呢? 嘩! 係吾係睇見都流口水? 吾係講笑, d蟹肉好甜, 而且一次過食咁多真係好滿足呀! 我同龍貓食左差吾多兩個鐘呀~~

呢碟蟶子買左20蚊, 有成斤幾, 我起初擔心有沙, 但係我食咁多隻都無呀! 而且肉質鮮甜, 有口感, 好好味呀!

呢晚我地食公仔麵咋, 因為無時間煮飯, 同埋我地嘅主角係d海鮮, 所以d芥蘭都係配角呢架咋~~

 

 

大阪蜜月之旅(第一天)

日期: 2007年4月30日(星期一)

今天是出發到日本大阪渡蜜月的大日子, 我們一行四人(我, 龍貓, 另一對新婚夫婦: 阿滔& katherine)乘坐早機到大阪, 說時遲, 那時快, 很快便到了... 

我們在機場附近的車站買了到大阪的車票...

我地租住o既酒店在心齋橋附近, 所以先由機場坐火車到大阪難波, 然後再轉JR到心齋橋...

到左難波, 但點去JR站呢? 我用我學過o既日文膽粗粗去問站內職員, o係指手劃腳o既幫助下, 終於成功搵到去酒店o既路...

呢度就係我地留宿四晚o既酒店"Comfort Hotel", 呢間酒店除左房間比較細之外, 各樣o既設備都算吾錯...

日本d"坑渠蓋"非常特別, 每個設計都好花心思, 呢個係巨蟹座"坑渠蓋"...自不然梗係有其餘十二星宮o既"坑渠蓋"啦...

放低行李, 我地便去心齋橋附近走走, 沿路見到hello kitty, 梗係要同佢黎張合照啦~~

嘩~~好大支力寶健呀!! 乜原來係垃圾筒...

每個到訪日本大阪的人必定會o係呢度影張相...

 

行完街, 醫下肚先, 今晚我們決定在道頓堀食蟹...你睇隻蟹幾大~~~ 

貓貓: 我條蟹腳長過你o個條呀! 你睇~~yeah~~

龍貓: 好叻咩~我食快d, 之後食埋你o個條~~哼!)

 

呢個蟹飯有好濃o既蟹味...不過入面d蟹焗完飯之後就無晒味...

呢碟蟹清蒸, 保存左蟹本身o既味道, 好鮮甜...

呢碟蟹吾係用黎當刺身食架, 係用黎燒o既...睇下面張相就知架啦...

 

燒完o既蟹未食已經香到流口水, 食落去好香口, 有d軟殼仲燒到脆卜卜, 可以吞落肚添...

 

呢碗係蟹湯, 好鮮甜, 不過同個飯一樣, 入面d蟹用水烚完後, 無乜味...

呢晚個蟹餐晒圍起黎都吾係好貴, 每人大約港幣二百幾蚊...簡直係抵啦~係吾係?

食飽蟹後, 便夜遊道頓堀...之後便返酒店計劃一下第二日的行程...

大蝦茄汁天使麵配大蜆湯

日期: 2007年6月20日(星期三)

今天去了石湖虛街市, 見到海鮮很便宜, 有蜆、有蝦、還有蟹...前兩天已經吃過蟹, 一吃便吃了兩個小時, 所以今日暫不吃蟹, 因為明天要返工, 沒有那麼多時間吃蟹...

今天決定買蜆和蝦...煮"大蝦茄汁天使麵"及"大蜆湯"...

材料: 大蝦一斤($20) 由於街市即將關門, 所以很便宜

          大蜆一斤多少少($20)

          蕃茄5個($6.2)

          天使麵($16/2包) - 只用了大半包, 其餘留待下次用

          牛角飽4個($10.5) - 只吃了兩個

  

作品完成~~好好味呀~~有咁多野食都係幾廿蚊咋...出面閒閒地都要成百蚊啦, 係吾係?

 

呢個大蜆湯一個字形容---"正", d蜆好鮮甜... 湯底係用麵豉湯做嘅...

 

呢個天使麵用好多蕃茄煮成, 酸酸甜甜, 好開胃, 又好味架...yeah!!

 

五香肉丁炒公仔麵

近來很喜歡烹飪, 也很喜歡吃自己煮出來的東西, 有時候寧願花少少時間親自下廚, 總好過在外面吃一些又貴又難吃的食物...

昨晚與龍貓在會所游水, 之後, 我便學茶餐廳煮五香肉丁炒公仔麵...

材料: 出前一丁公仔麵兩個、椰菜一小個、香腸及蟹柳各兩條、五香肉丁一罐、雞蛋幾隻

材料好簡單, 又很容易煮, 加上兩個用焗爐焗到脆卜卜的牛角飽, 簡直係"正", 不得不提呢兩個飽, 其實係兩日前食剩, 之後放入雪櫃, 到食的時候放入焗爐弄熱, 熱烘烘的飽再加上冰凍的藍莓醬, 簡直係好味到不得了呀~~~~

 

快樂星期五

我覺得時間真的過得很快, 轉眼間又到了星期五, 接著便是兩天的假期, 所以今天的心情特別愉快...今天在公司做了很多工作, 可能由於想快些放工, 所以我埋頭苦幹的做呀做, 希望時間過得快一點。說時遲, 那時快, 又到放工的時間, 我當然會準時收工...今晚我和龍貓回我家食飯, 很開心呀~因為可以見到貓爸爸和貓媽媽....meow~~ 

meow~meow~出世了!

我係一隻貓, 但我係一隻有文化o既貓, 所以我閒時會睇下書, 寫下日記, 而家仲寫埋blog添, 咁樣就可以令自己無聊o既生活變得更充實...

今日著左尋日買o既新衫, 件衫雖然好簡單, 但係著o係我身上就變得不簡單...回到公司更被多個同事讚我著得好睇, 真係有d飄飄然o既感覺...

今晚回家要煮飯比貓公食, 貓公鐘意食雞翼, 所以尋晚我已經俺定d雞翼, 準備今晚煮咖哩雞...