meow~meow~: amp;#39;玲amp;#39;旅程

顯示具有 amp;#39;玲amp;#39;旅程 標籤的文章。顯示所有文章

2008年3月16日星期日

雲泉仙館遊

今天是家庭日, 我們去了雲泉仙館吃素, 之後去了探望"離開了"的姨媽...

很久沒有去雲泉仙館, 上次去此館已是數年前的事了, 當時參加中心的活動, 而最深刻的是館內又綿又好吃的白粥, 實在令人一試難忘, 其實, 我已多次嚷著要再吃這粥, 但一直沒有機會, 這次適逢家庭日, 便一伙兒去品嚐館內的素菜和白粥...

吃飽後, 家人去拜神, 我和龍貓便在館內拍照, 雖然我在一間有宗教背景的機構內工作, 但我一向不會主張別人求神拜佛, 對我來說, 佛道中的神佛只是一些所謂得道成仙的人, 我真不明白, 為何會有那麼多人會敬拜他們? 不過, 正所謂"入屋叫人, 入廟拜神", 我既然做這份工, 我會尊重那些神佛, 謹守工作的專業, 但尊重還尊重, 我不會拜他們...因為我深信冥冥之中是有造物主的安排...

離開雲泉, 我們到寶福山探望姨媽, 她離開已有一年了, 而我也是第一次在這個地方探望她, 回想起以往跟她一起和爸爸媽媽去泰國旅行, 感覺像是很久遠的事, 但永遠已再沒有這個和她去旅行的機會了... 所以要珍惜眼前人, 享受每個和家人相處的機會...

寶福山上有很多人, 各奉祀人均帶備了豐富的"禮物"給先人, 有符薦包、有熟食、有汽水, 生果...應有儘有, 有些祭品可以帶走, 但有些是要燒給先人, 特別是那些符薦包, 內裏全是紙品, 一包一包, 又大又滿, 奉祀人排著隊將這包放進化寶爐, 灰燼隨著微風西處飄揚, 心中有無言的感慨, 我覺得中國人的傳統既不環保又很虛偽, 那些符薦包可能是買了不夠半小時, 便被那些無情火燒為灰燼, 先人真的會收到那些禮物嗎? 我覺得人只是想找尋心靈上的慰藉...

如你想記念某些先人, 若你心內沒有掛念那人的心, 即使致力做各種的儀式或燒盡家財, 根本是徒勞無功...

離開寶福山, 到大埔海濱公園賞花, 這個公園種滿不同種類的時花, 站在回歸塔上讓清風吹在面上, 鳥瞰園內七彩繽紛的時花, 實在是一件賞心悅目的事...

這張相是我影的, 我覺得吾錯...影得好靚~

這張也是我影的...吾錯! 幾好!

雖然後面的花很美, 但前面的我更美...哈哈...

從回歸塔上望下來...(左)

又是從回歸塔上望下來...(右)

這些花好美啊! 這張相也可以做wall paper~

2007年11月4日星期日

朔屏南石澗

秋高氣爽...最適合便是行山...

今天, 原本要留在家接待老爺奶奶, 但臨時取消了, 所以改去行山--朔屏南石澗...

我們在南涌郊遊徑出發, 沿石級向上行, 行了大約20分鐘, 便到達石澗的起點。我們沿著溪澗兩旁的乾石一級一級的向上游進發, 沿途遠望全是綠油油的山林, 美景盡入眼簾...在這麼好的天氣下行石澗確是合時, 因為山澗的流水沒有把旁邊的大石掩蓋, 所以我們可以以急速的步伐走上上游, 只有少部份的大石生了菁苔, 所以我們要特別小心...

沿途的流水清澈見底, 而且非常清涼... 沿路的瀑布雖沒有梧桐寨的那麼可觀, 但也不可少看... 我們邊行邊拍照, 最後走到不知是否盡頭的地方坐下來喝一罐冰凍氣水和吃一個腸仔包, 將這天的行程劃上完美的句號...

未行石澗之前, 我們先去了假日農莊, 但原來入場費要收$50, 所以我們只好在門口與大樹菠蘿拍照留念...

沿路看見兩隻狗狗, 他們好攪笑, 喜歡"捐"入車底玩...

就在這裡出發啦!

這條木懸空架在大石上, 究竟是我體態輕盈, 還是條木夠堅呢??

大石上的美人~~

西柚汁, 腸仔包, 好味呀~~~

沿途唯一一張的合照....

2007年10月12日星期五

大阪蜜月之旅(第二日)

日期: 2007年5月1日(星期二)

第二日, 我地原本想去京都, 但係見天氣吾好, 所以決定大阪一日遊, 買張freepass週圍去, 第一站就係去天保山的海遊館, 呢度好似香港海洋公園入面嘅海洋館, 裏面有好多魚, 千奇百怪, 有大有細, 不過我覺得好似香港的海洋館靚d, 呢度入面仲有水母館, 有好多水母, 呢度嘅水母就真係多過海洋公園入面d水母...

阿拉斯加大肉蟹呀~~如果可以將佢放入口就好啦~~~

你睇後面條魚幾大~佢係呢度嘅震館之寶

海洋館附近有個叮噹汽水機, 入面d飲品會吾會特別好味呢?

行完海遊館之後, 我同龍貓坐後面的摩天輪, 我地o係摩天輪入面食童星點心麵, 但係一開就整到成地都係, 好攪笑, 之後拿拿林掃番個地, 費事落車時比人鬧就吾好啦...

呢個就係海遊館的外貌, 有兩條海豚閃下閃下, 好靚架!

去完海遊館, 去醫肚先... 去日本梗係食拉麵啦! 我地見呢間舖吾係好多人, 就入去試下啦...

呢間拉麵店只有幾款拉麵, 咁岩入面有個會講普通話的員工, 我地便問佢邊款拉麵最好食, 之後佢介紹我地食醬油拉麵及肉鹽拉麵...食完之後, 他們覺得味道麻麻, 但我覺得味道都ok, 幾好味, 不過油多左少少.....

食飽飽, 我們便出發去大阪城... 原來大阪城真的很大, 我們入到去都吾知邊個先係大阪城, 總之見到咁上下樣的城池就影左相先...

最後, 我地終於搵到大阪城個城啦! 後面那座就係啦! 好靚呀! 入面仲係一個博物館, 一場黎到, 梗係入去睇下啦!

大阪城附近的地方都好靚, 綠樹成蔭, 好似去左大自然郊遊一樣...

去完大阪城之後, 發生左一件小插曲, 我吾見左張freepass, 之後, 龍貓要我搵清楚, 我真的搵過, 應該在去洗手間時跌左, 他係咁話我點解咁吾小心, 點解吾放好d, 又要再比錢買過d車飛, 之後係咁鬧...係咁鬧, 最後, 我火都黎埋, 眼紅紅鬧返佢轉頭"而家係吾見左就係吾見左, 吾見左飛你估我想架, 你鬧完未呀? 最多我自己比錢買返張飛, 咁咪得囉! 鬧乜啫!"

之後, 我一路行一路喊, 我無睬過佢, 我覺得吾見飛有乜大不了, 每個人都會有吾小心嘅時候, 最重要係即時搵出辦法去解決問題, 吾係要係個問題上再火上加油, 點解你咁都吾明...同埋, 我吾係犯左d乜野彌天大禍, 要鬧到我狗血淋頭嗎?

之後, 我們去了一個公園, 當時我沒有心情理會是什麼公園, 總之, 跟著行就算... 男人通常是後知後覺, 做完錯事後才會後悔, 龍貓也吾例外, 他知道自己激嬲我, 當然即刻道歉認錯, 我當然無即時原諒佢, 我吾理佢... 最後, 我喊到眼都腫晒, 副con都移左位, 算啦, 我吾想攪到大家吾開心, 所以係咁易睬返佢啦...