日期：２００７年６月１８日（星期一）
聽日係端午節吾駛返工，所以今日好想食蟹，因為食蟹通常要食成個幾兩個鐘，所以第日放假就最好，因為可以食到１０點，哈哈．．．
今日在廟收工，原來諗住o係九龍城買蟹, 但係好貴, 而且無乜其他海鮮選擇, 所以急急腳返上水石湖墟街市買...去到街市都已經七點幾, 個街市差吾多收工, 我行左幾個圈去格下價, 價錢比九龍城街市平好多, 而且又多d選擇...最後, 我買了六隻蟹和斤幾蟶子... 原本想買多斤蜆, 但怕太多, 最後無買...
返到屋企, 我洗蟹同"湯"蟹用左成個鐘, 我一路"湯"蟹一路去思考一個問題, 點解我識"湯"蟹? 我都吾知點解, 唯一解釋就係因為我叻...唉~~
各位觀眾~~清蒸蟹已經完成啦! 係吾係排得好靚呢? 嘩! 係吾係睇見都流口水? 吾係講笑, d蟹肉好甜, 而且一次過食咁多真係好滿足呀! 我同龍貓食左差吾多兩個鐘呀~~
呢碟蟶子買左20蚊, 有成斤幾, 我起初擔心有沙, 但係我食咁多隻都無呀! 而且肉質鮮甜, 有口感, 好好味呀!
呢晚我地食公仔麵咋, 因為無時間煮飯, 同埋我地嘅主角係d海鮮, 所以d芥蘭都係配角呢架咋~~
你兩個人, 食左六隻蟹 , 唔係掛, 唔細架喎
回覆刪除係呀~所以食左成兩粒鐘囉~~哈哈~~
回覆刪除你地兩老婆真係好鐘意食蟹喎....到食大閘蟹果陣點算呀....
回覆刪除我地吾係咁鐘意食大閘蟹, 因為吾係啖啖肉, 淨係得d羔, 吾過癮~~
回覆刪除色香味俱全呀! 是小妹在認識朋友中會弄幾尾來享受人生, 難得! 小妹身邊周遭的人大部份認為烹調是件很浪費時間, 其實一個人定兩個人分享也無所謂, 最重要自己享受過程才明白怎樣處理更多不同素材呢!
回覆刪除你講得好岩, 有時煮完後我反而吾想食, 只想別人食多d, 見到別人食到吾停得口, 咁就代表自己的成功, 好有滿足感...
回覆刪除