再一餐好餸

9月10日(星期一)

平時食得太多蓄茄炒蛋, 又或者薯仔雞翼, 今次要為大家介紹以下的新菜式...

第一位佳麗: 薯仔餅

材料: 薯仔兩個(一袋5個$7.9), 馬蹄幾粒(一包10多粒$4.1), 蝦米$5(只用了3分一)

做法: 將薯仔刨絲, 馬蹄切碎, 蝦米浸軟瀝乾水, 然後將三樣材料攪勻, 加入鹽、胡椒粉調味, 再加2-3湯羹粟粉攪勻, 分三份, 用易潔鑊煎熟, 切記不宜太厚, 煎時盡量壓薄

 

第二位佳麗: 椰菜墨魚包

材料: 椰菜一個$6.5, 墨魚膠$10 (吉之島有售), 粟米三湯羹(現在還餘大半罐在雪櫃), 草菇少許(其實是問第三位佳麗借的), 馬蹄少許(由第一位佳麗借出)

做法: 先將椰菜一片片拆下來, 用熱水煮軟, 備用; 墨魚膠加入切碎馬蹄、草菇及粟米攪勻, 加入鹽、糖、胡椒粉、麻油調味, 再加粟粉一湯羹攪勻, 然後將其放入椰菜內, 包成圓波型, 蒸10-15分鐘; 用少許鹽、糖、xo醬、粟粉埋獻汁, 最後淋上面

切開的椰菜包有可愛的草菇、金黃的粟米、爽甜的馬蹄及雪白的墨魚膠

第三位佳麗: 青椒草菇炒牛柳

材料: 草菇一包$6.5, 青椒一個$3, 牛柳$10, 惠康有售已俺, 椰菜及馬蹄是前兩名佳麗用剩的

做法: 先炒熟牛柳備用, 將草菇飛水備用, 炒青椒及椰菜, 並加入馬蹄, 加鹽糖調味, 最後加入草菇及牛柳回鑊便完成

三位佳麗一齊拍照留念

三個佳麗之中, 我覺得最好味是椰菜包, 賣相好得, 而且味道很好, 材料很配合...而薯仔餅也很好吃, 很香口, 圍邊脆脆的, 中間部份軟軟的, 口感很好...今次三個餸都有馬蹄, 起初我對馬蹄無好感, 但無辦法, 龍貓鐘意, 所以今次姑且一試, 但原來馬蹄既清甜又爽口, 令餸菜更添美味...