蘿白受傷了...

今日又看見了"蘿白", 牠一聽到我們拍拍手及叫聲"蘿白", 牠便向我們飛奔過來...很有親切感, 而且感覺很溫暖....

當牠走到我們跟前時, 發覺"蘿白"受傷了, 傷口在頭頂上, 原來那晚在牠頭上"笠癡癡"的東西便是牠的傷口, 現在頭頂小了一撮毛, 傷口亦在結疤...

突然, 聽到有人在說話:「牠應該是被人打傷了」。這個人應該是"蘿白"的主人, 她在窗口與我們對話, 我亦回應了她一個字「哦~」然後, 我摸摸"蘿白"的頭, 拍拍牠pat pat叫牠「你咁吾小心架~ 咁你吾好經常走出街玩啦, 而家快d返屋企啦!」

之後, 我們便離開了, 一路走, 一路向後望, 看看"蘿白"有沒有跟著來, 幸好, 這次牠沒有...

其實, 自從上次在晚上見到"蘿白"後, 我便開始替牠擔心, 因為我家附近有狗公園, 而且地盤亦有流浪太, 所以我經常擔心"蘿白"有沒有回家或者有沒有被其他狗或人欺侮...每次見到牠, 都有莫明的喜悅, 因為不知今次會否是最後一次...

是貓似狗的"蘿白"

昨晚回家途中又看見"蘿白"...

"蘿白"應該是一隻混種波絲貓, 牠沒有波絲貓的"蠢樣", 但一樣很可愛, 牠最可愛的地方就是似狗多過似貓...

牠是一隻家貓, 住在某間村屋的花園內, 牠喜歡在街上遛連, 所以我經常在上班的路上遇見牠, 只要在遠處看見牠, 大家一有眼神接觸, 並拍拍手, 牠便會應聲的跑到你的身邊, 用頭"纏繞"著你的雙腳, 之後, 牠會用"很想同你玩"的眼神望著你, 那時候, 你便會"出手"去摸摸牠, 撫摸他的頸, 之後, 牠又會繼續"纏繞"著你的雙腳...

牠的毛很柔軟, 毛色是淺啡色的, 有貴氣, 所以當我第一次在街上見到牠的時候, 真的有點難以置信的感覺... 牠不是街貓, 不會見人走近時就彈開, 相反,牠愛與人接觸, 當你要走時, 牠更會用挽留的眼神跟著你走十多米, 像是"捨不得你"一樣, 而我也一樣不想離去...有想帶牠回家的念頭...

昨晚10時半, 在露天停車場又見到牠, 一叫牠"蘿白", 牠便跑到你身邊, 感覺很溫暖, 真的很想帶牠回家, 很想每天被牠"纏繞"一番, 由於牠性格似狗, 有時更可以帶牠去"放貓", 試問有多少隻貓可以帶出街"放"呢? 我大埔家的阿三和BB一定不可以, 他們連門口都不敢出...但"蘿白"始終是家貓, 頸上掛上門牌號碼, 所以不可以偷人家的東西, 這個壞念頭, 想想便算...

昨晚回家後, 心仍然在想著牠, 想著牠有沒有回家, 想著牠有沒有被野狗欺負, 也想著牠回家後牠主人有沒有幫牠清潔頭上的東西... 現在, 期待著下次牠再跑到身邊的感覺...

 

 

冬菇炆花膠

今日打九號八風球, 所以無特別去買餸, 不過好彩屋企經常有糧食貯備, 而咁岩我又預備了一些已發好的花膠, 所以今餐餸真係簡單得黎又有d矜貴...

花膠炆冬菇

材料: 已發花膠8隻, 冬菇8隻、椰菜半個

做法: 用薑起鑊, 先炒冬菇, 然後, 加入兩湯匙蠔油, 一茶匙糖及一碗水去炆冬菇, 大約炆15分鐘, 之後再加入花膠再炆10分鐘, 間中可水可能乾, 所以見無水, 就要加點水去炆, 炆的同時, 可以預備椰菜用來墊底, 不一定是椰菜, 西蘭花, 西生菜都得...都係o個句, 我屋企有乜, 就會煮乜... 煮菜的方式可以用烚或炒都得, 無所謂...

最後將已炆好的冬菇和花膠上碟, 即成...

其他餸的配搭都幾奇怪, 煎豆腐, 煎午餐肉, 都係屋企有的糧食, 樓下酒樓的雙併飯, 好抵! 22蚊, 大大盒, 飯都吾駛煮, 又有叉燒又有雞...

蕃茄百合湯+大飯盒

近來對百合有種情意結, 很喜歡用來煲湯, 因為真的很甜, 今次我見屋企有四個蕃茄, 所以就試下將兩者煲埋一齊, 結果都係一樣, 甜!!! 而且仲係酸中帶甜, 正呀!!

今餐煮左兩個好簡單的餸, 一個係綠咖喱雞翼, 另一個係椰菜炒木耳...其實每次我都會煮很多, 因為要用來帶飯, 這兩就是我和b豬爸的飯盒, d餸多到根本睇吾到有飯, 哈哈...

鮮百合甘笋瘦肉湯

經同事介紹, 昨晚煲了"鮮百合甘笋瘦肉湯", 味道很好, 很清甜, 我同事說百合有化痰止咳的作用, 我見b豬爸有時會有幾聲咳,  所以煲比佢飲...

材料好簡單:

鮮百合一包, 約有4個(百佳$5.9)

瘦肉10蚊

甘笋一條(前日見百佳特價, 所以買了一包分開食)

只需要煲30分鐘就可以飲, 其實可以20分鐘, 但我喜歡將百合煲爛, 所以時間長少少...

 

彩椒蕃茄香草焗魚柳

這晚大家姐和姐夫來我家食飯, 不過, 我沒有特別煮多些餸, 因為平時我和b豬爸就是吃那麼多餸...

1. 彩椒蕃茄香草焗魚柳

材料：

彩椒各一個 (即是紅黃綠椒, 不過綠色無咁甜, 所以我通常只會加半個, 或者用黎炒其他餸, 不過今次加左...

蕃茄兩個

日本白菇一包

鯰魚柳一包(內有兩塊, 之前百佳有特價, $8.9兩塊, 而家無啦!)

做法好簡單, 適合吾鐘意洗鑊同抹廚房的人煮...不過要有焗爐...

先將彩椒、蕃茄切粒, 放入大碗內, 然後白菇洗淨去尾瀝乾水放埋入大碗, 之後, 加入橄欖油、香草、胡椒粉、糖、鹽調味, 備用...

至於魚....先解凍, 瀝乾水, 用橄欖油、胡椒粉, 少許鹽均勻的塗在魚塊上

焗爐預熱, 在盆上加上鍚紙, 將魚放在錫紙上, 將已調味的彩椒各樣舖在魚塊上, 之後用另一張錫紙覆蓋, 放入焗爐, 焗15分鐘, 之後, 拿走舖在面上的錫紙再焗多5分鐘, 即成..

2. 柚子蜜排骨

材料: 排骨及南瓜

通常去酒樓食排骨都會有d野墊在排骨與碟的中間, 我今次就是用了南瓜, 原因無乜特別, 因為屋企咁岩有, 而且係自己種的有機南瓜, 所以試下效果如何...

先將排骨加柚子蜜、鹽、胡椒粉、鼓油、油、生粉調味, 醃一個鐘, 由於柚子蜜已經好甜, 所以不用加糖...

南瓜去皮切薄片, 放在碟上, 因為我用飯煲蒸, 所以正確來說不是碟, 是蒸餸兜...放好後, 將已醃好的排骨舖在上面, 我見有南瓜剩所以再舖些在排骨上以作點綴...

3. 粉絲蝦乾蒸勝瓜

材料：粉絲一小包、勝瓜兩條、蝦乾隨意、蒜蓉大量...

絲瓜去皮, 切成不規則形狀, 將已浸軟的蝦乾及粉絲加入蒜蓉及調味, 調味好簡單, 都係鹽、油、胡椒之類, 可以加點蠔油, 將所有配料攪勻, 舖在勝瓜上, 約蒸15分鐘, 即成...

4. 花生雞腳節瓜湯

 

大家有無留意, 今餐全部餸都係用蒸同焗的方法去煮, 咁樣油煙會少好多...

 

我的羅B豬...

上次提及有關一個不能說的秘密, 而家終於可以公告天下啦!

我很快會做媽媽啦! 而家有左3個幾月, 上星期照過超聲波, BB係仔仔, 無論仔又好, 女又好, 都無所謂啦! 最緊要健健康康~~

BB爸爸幫BB整左個website, 大家有興趣就入去探下我個羅B豬啦!

www.linglung422.com/BB/