今天是大家姐生日, 我們一家人(除了在日本的妹妹)在大埔oliva食意大利菜...
起初, 爸爸不喜歡吃這類東西, 所以有點黑口黑面, 但好彩有未來嫂嫂哄他, 他終於肯接受第一次吃意大利餐...
我們叫了很多東西, 先來兩個set dinner給爸爸媽媽, 然後, 我們再叫薄餅、意粉、意大利飯及沙律...味道很好...
平時咀叼的爸爸也不禁大讚燒春雞及煙肉忌廉意粉好吃, 所以我們再叫一客煙肉忌廉意粉給爸爸吃...
爸爸今天吃得很開心, 好似是他生日一樣, 但大家不要忘記, 今天是姐姐的生日啊!
我原本想買一份禮物給他, 但是在大埔行了一個小時, 也未能決定買什麼好...買耳環或頸鏈, 但她有很多...想買衫, 但她的衫多到可以開舖頭, 想買白鳳丸, 但記得她以前話過吾食...算吧! 下次再見到適合她的東西再買給她...
今個星期在觀音廟看到一幕驚心動魄的怪異事...
一到觀音廟, 我看到一個婦人坐在解簽師傅旁邊的一張椅上, 她身上蓋上多張毛巾, 旁邊還有一個廟內員工照顧著。驟眼看來, 那個婦人像是身體不適的躺下, 她合上兩眼, 臉色蒼白, 毫無表情...
突然, 可怕的事發生了...那婦人身體抖震, 唸唸有詞, 但不知她說什麼, 而那個廟內員工按著他那抖震的雙腳, 然後, 師傅向著婦人灑米、唸咒及用手指劃符... 原來這個婦人鬼上身, 師傅在幫她軀鬼...這時候, 突然有心寒的感覺...
雖然有點兒怕, 但是又很好奇... 眼睛半開半合的繼續看著這段"軀魔人"...
那婦人身體不斷抖震, 口中不停說一些古怪的說話...
師傅問她:「你o係入面想點?」
那婦人說了一些不太清楚的話...
之後, 師傅發功, 打那婦人的臉(只是輕輕的打)...
那婦人像是有點兒發狂, 廟內有幾位員工合力按著她的手腳, 師傅繼續發功, 問:「你想要d乜野?」
那婦人的聲音變了男聲, 說:「我要女人。」
之後, 師傅又再發功....那婦人同樣是用男聲回答...但答得不清楚...
由於當時我還要工作, 所以不得不中途離場...
最後, 師傅是否真的能替那婦人軀魔? 我不知道...
今日看到一個好朋友的網頁, 他的主題是"你是愛我, 還是需要我", 他的文章靈感是源自著名的心理學家佛洛姆(E.Fromm)在他的名著《愛的藝術》中的一句名言:
不成熟的愛是－因為我需要你，所以我愛你；
而成熟的愛是－因為我愛你，所以我需要你
他的文章寫得很有意思, 而這兩句話更令我重新思考愛一個人究竟是怎樣的一回事? 究竟是因為需要而愛, 還是因為愛而需要? 其實每個人自己心裏面已經有一個答案, 但往往只是不敢面對現實。不過, 我相信這兩種的愛會在不同的時間上出現, 即是說雙方的愛可能先建基於互相的需要, 然後隨著愛的昇華, 最後才到達"因為愛而需要"的境界。
但是需要多長的時間才可以昇華至這個境界? 可能就在這段時間中, 由於雙方的愛只建基於需要, 所以在昇華前已互相厭煩對方而分手收場。
喜歡一個人，是一種感覺。
不喜歡一個人，卻是事實。
的確, 喜歡一個人, 根本是有種說不出的感覺, 你會覺得與他/她一起便足夠, 什麼東西也變得次要... 所以, 我不明白為什麼人們總是會問:「你喜歡我什麼?」說我出的喜歡並不是真正的喜歡...
但不喜歡一個人你便會想出他的缺點, 慢慢這些缺點會愈來愈多, 他/她的一舉手一投足都令你討厭, 他/她做的每一件事總是錯的, 最後你根本無理由或無辦法再愛他/她...
上星期六和龍貓、大家姐、姐夫、哥哥、未來嫂嫂一行六人分兩部私家車去海洋公園玩哈佬喂...因為我們買的是普通票, 所以一早已有心理準備要排隊, 此外, 我們更自備糧草打算在排隊時開餐...
我預備了芝士蛋三文治及"搣"了兩個橙, 龍貓帶了很多包薯片, 未來嫂嫂買了一人一個恐龍蛋, 又有茶葉蛋, 大家姐比較簡單, 買了麵包及軟糖, 基本上, 這些就是我們的晚餐...
我們去到海洋公園, 一開始便玩"死囚浩劫", 排了大約半小時, 基本上入面的造型不是太驚嚇, 只是無意中他們彈出來令人嚇了一驚而已。
之後, 我們便到最多人玩的"暝通大靈堂", 這條龍真的很長很長, 我們花了很長的時間才行到龍尾, 這樣便代表我們需要用更多的時間才可以入內...不過, 對我來說"等"沒有什麼大不了, 最重要是大家一齊的感覺, 我們一邊等, 一邊野餐, 最後, 等了兩小時才可以入內, 但是, 我覺得入面的造型並不是太驚嚇, 來來去去是金菠蘿, 拜神物品, 道士...由於工作上經常會接觸, 所以一點兒也不覺得恐怖, 反而, 最驚嚇是他們失驚無神在你身邊出現, 把你嚇至花容失色...
第三個入的館便是"東瀛凶間", 這個館跟大靈堂差不多, 只是鬼怪是來自東瀛的貞子, 其實我覺得貞子已是好幾幾年前的鬼怪, 為什麼現在還用她作主題, 我覺得有點兒老土...
行完三館已差不多11時, 他們已不想再排隊了, 所以我們分批玩機動遊戲...
龍貓想我陪他玩跳樓機, 其實我以前是玩過的, 但玩過一次後便不敢再玩任何機動遊戲, 我自己知自己事, 我真的怕自己承受不起那種離心力, 所以我只好坐在附近看著他獨個兒去玩...之後我們還玩了翻天飛鷹和海盜船, 這兩個我還可以...
玩過後, 我們又要排隊, 這次是排隊坐吊車, 到我們離開時己12時, 心想, 我們究竟用了多少個小時去排隊呢? 計起來, 起碼七小時...他們誓言永遠不會再玩海洋公園的哈佬喂...但如果下年我有fastpass, 我一定會再來...
日期: 2007年5月1日(星期二)
第二日, 我地原本想去京都, 但係見天氣吾好, 所以決定大阪一日遊, 買張freepass週圍去, 第一站就係去天保山的海遊館, 呢度好似香港海洋公園入面嘅海洋館, 裏面有好多魚, 千奇百怪, 有大有細, 不過我覺得好似香港的海洋館靚d, 呢度入面仲有水母館, 有好多水母, 呢度嘅水母就真係多過海洋公園入面d水母...
阿拉斯加大肉蟹呀~~如果可以將佢放入口就好啦~~~
你睇後面條魚幾大~佢係呢度嘅震館之寶
海洋館附近有個叮噹汽水機, 入面d飲品會吾會特別好味呢?
行完海遊館之後, 我同龍貓坐後面的摩天輪, 我地o係摩天輪入面食童星點心麵, 但係一開就整到成地都係, 好攪笑, 之後拿拿林掃番個地, 費事落車時比人鬧就吾好啦...
呢個就係海遊館的外貌, 有兩條海豚閃下閃下, 好靚架!
去完海遊館, 去醫肚先... 去日本梗係食拉麵啦! 我地見呢間舖吾係好多人, 就入去試下啦...
呢間拉麵店只有幾款拉麵, 咁岩入面有個會講普通話的員工, 我地便問佢邊款拉麵最好食, 之後佢介紹我地食醬油拉麵及肉鹽拉麵...食完之後, 他們覺得味道麻麻, 但我覺得味道都ok, 幾好味, 不過油多左少少.....
食飽飽, 我們便出發去大阪城... 原來大阪城真的很大, 我們入到去都吾知邊個先係大阪城, 總之見到咁上下樣的城池就影左相先...
最後, 我地終於搵到大阪城個城啦! 後面那座就係啦! 好靚呀! 入面仲係一個博物館, 一場黎到, 梗係入去睇下啦!
大阪城附近的地方都好靚, 綠樹成蔭, 好似去左大自然郊遊一樣...
去完大阪城之後, 發生左一件小插曲, 我吾見左張freepass, 之後, 龍貓要我搵清楚, 我真的搵過, 應該在去洗手間時跌左, 他係咁話我點解咁吾小心, 點解吾放好d, 又要再比錢買過d車飛, 之後係咁鬧...係咁鬧, 最後, 我火都黎埋, 眼紅紅鬧返佢轉頭"而家係吾見左就係吾見左, 吾見左飛你估我想架, 你鬧完未呀? 最多我自己比錢買返張飛, 咁咪得囉! 鬧乜啫!"
之後, 我一路行一路喊, 我無睬過佢, 我覺得吾見飛有乜大不了, 每個人都會有吾小心嘅時候, 最重要係即時搵出辦法去解決問題, 吾係要係個問題上再火上加油, 點解你咁都吾明...同埋, 我吾係犯左d乜野彌天大禍, 要鬧到我狗血淋頭嗎?
之後, 我們去了一個公園, 當時我沒有心情理會是什麼公園, 總之, 跟著行就算... 男人通常是後知後覺, 做完錯事後才會後悔, 龍貓也吾例外, 他知道自己激嬲我, 當然即刻道歉認錯, 我當然無即時原諒佢, 我吾理佢... 最後, 我喊到眼都腫晒, 副con都移左位, 算啦, 我吾想攪到大家吾開心, 所以係咁易睬返佢啦...
之後, 我地去到梅田, 入面有個賣好多電子產品的地方, 有隻mario, 龍貓好鐘意佢, 所以同佢影左張相, 其實他們樣子真的有幾分相似, 你睇個鼻就知啦!
晚餐, 我們去了一間名叫"斧"的舖頭食飯, 今次食日式晚餐, 我食炸蝦餐, 龍貓食咖哩豬扒餐, 味道吾錯, 不過其實香港都可以食到咁上下的餐...
回酒店的途中, 龍貓同佢個friend阿滔玩mario kart game, 呢個game在nds都有得玩, 不過佢地都係第一次坐係架車上面玩呢個game, 幾得意, 最後龍貓贏左...
玩完之後, 我們回酒店...
