是你的始終是你...

昨天買的股票, 今天跌了0.1, 心裏有點兒擔心及焦急, 始終第一次買, 怕會損手...

不過, 想了又想, 損手有什麼可怕? 之前曾經損失很多很多, 現在也一樣好好的過日子, 所以, 沒有什麼大不了, 隨遇而安, 是你的始終是你...

今天與師傅聊天, 談及致富的條件, 大家均認為致富必須先有資金, 這才可以創造更多財富。其實, 身邊的朋友及同事, 沒有一個沒有買股票, 為什麼她可以一次過賺10多萬, 而我只是賺一千幾百? 理由很簡單, 因為他們持AK47, 而我只有一支小手槍, 殺傷力當比不及他們, 所以...由這一刻開始, 我要先賺取AK47...

我給自己半年時間...我知我一定可以...

人生的第一次

今天是一個重要的日子, 因為我第一次入了一隻股票...希望有d斬獲啦! 即使衰左, 當做攞個經驗啦...

生活中不可沒有你~

每天在工作時一邊上網, 一邊寫blog, 已成為我工作的源動力, 有時工作到很沮喪, 很想減減壓, 寫blog便能令自己心理得到平衡...  

但昨天竟然去不到blog, 我的心情突然變得很沉重, 不想跟別人說話, 但又不能集中精神工作, 可能寫blog已成為我的習慣, 但很奇怪, 逢星期六日那些不用上班的日子, 我是不會寫blog的, 一到星期一至五, 寫blog便成為我的"公事"...工作中不可或缺的一部份...

小小小蝸牛

上星期, 我在露台賞花的時候, 忽然看見了一隻小蝸牛, 牠在bb草上走來走去... 平時通常在街上會看見很大的蝸牛, 好似法國田螺一樣, 但這隻小蝸牛比平時見到的小很多很多倍, 所以份外覺得牠很有趣...

你們看不看到小小小蝸牛?

牠真的很小, 是嗎?

 

 

日本魚蛋烏冬

有時買餸煮得多都吾知想食乜, 上星期五放工後行吉之島, 行來行去都想吾到晚餐吃什麼...突然有promotor勁sell日本烏冬, 我諗落好似好耐無食過烏冬, 平時去舖頭食烏冬, 通常d麵質麻麻, 吾好食...我見而家sell個價錢都吾算平, 所以便試下, 希望會有個意外驚喜...

之後, 我便隨手買了些長魚蛋、用少許木耳、椰菜和一隻糖心蛋做伴菜...原來這個烏冬是撈烏冬, 不是湯烏冬, 不過無所謂, 最緊要好食...一吃之下, 噢! 真係好好食呀~~d麵質好煙x(呢個字吾識寫呀!), 果然貴野係吾同d嘅... 

呢碗係龍貓, 有蛋...

呢碗我嘅, 我吾要蛋...

好簡單的晚餐, 但好好味...

 

薯仔粥

上星期龍貓病了, 所以我便煲粥給他吃...

我煲的粥, 好多人會覺得好奇怪, 但係我覺得好好味, 好特別...

材料: 薯仔、昆布、粟米、自己"喙"的瘦肉

我覺得呢個粥好有營養, 因為我會再加d麥皮入去個粥底, 因為咁樣會綿d架...

除左食粥之外, 我都炒左碟菜...西蘭花、銀芽、磨菇, 之後加埋上次食剩的四粒墨魚丸

簡簡單單又一餐, 又有營養, 味道又好...

叉燒炒雜菜絲&粟米蝦膠釀冬菇

2007年10月8日(星期一)

大家有無留意, 平時我最鐘意就係煮薯仔、蕃茄及紅蘿白, 因為又平, 又易煮, 又好味... 但係食得多都有少少悶, 所以今次煮d同之前好吾同嘅餸....叉燒炒雜菜絲&粟米蝦膠釀冬菇...

叉燒炒雜菜絲

材料: 椰菜、銀芽、木耳、蘿白乾及叉燒

味道: 吾錯...食起黎好爽好...

粟米蝦膠釀冬菇

材料: 冬菇10隻、鮮蝦半斤、粟米少許

做法好簡單, 將鮮蝦做成蝦膠, 加入調味及少許粟米, 之後釀入冬菇內, 再蒸熟打獻就攪掂...不過冬菇在釀入蝦膠之前要先熟至入味, 否則蒸出來的冬菇會好淡...

仲有個湯, 係

冬茸湯..

材料: 冬瓜兩斤(一半磨茸, 一半切粒), 瘦肉10蚊切粒, 蝦大約10隻8隻, 冬菇5粒...

先煲冬菇至出味, 然後加入冬瓜及瘦肉, 最後加入蝦粒, 調味後便可以飲, 好好味架