又一餐好餸

9月5日(星期三)

今日用了45分鐘煮了兩餸一湯, 這個時間是由踏入女美廚房到走出來計算...

翠肉瓜炒牛柳 (材料:翠肉瓜兩個$7.5, 牛柳在惠康有售, 每好的, 買了$10)

黃牙白甘笋煲豬展(材料: 黃牙白$7, 甘笋是前幾天用剩的, 隨意放了兩條, 豬展$12, 煲了30分鐘) 這個湯好甜, d豬展又好淋, 正!

五香肉丁炒椰菜伴魚柳 (材料: 椰菜是前一天用剩的, 五香肉丁$5, 魚柳也是在惠康買的, 俺好的, 又是$10) 呢個餸其實都幾"騎呢", 其實只是將條魚煎熟, 再炒熟椰菜及加入五香肉丁炒香, 最後淋在魚上便行, 不過味道吾錯!

小小波斯貓

工作雖然很忙, 但有時也會忙裏偷閒寫寫blog, 當是給自己一些relax的時間...

昨天在街上看到一隻小小波斯貓, 牠的毛是啡黑色的, 觸摸牠的毛便知道牠是一隻家貓, 因為牠的毛尚算整齊及柔順, 但是, 牠瘦得很, 我甚至可以摸到牠每條的勒骨, 牠應該只有幾磅, 與我家中的貓相比, 簡直是蚊比同牛比... 

我和龍貓蹲在地上逗牠玩, 牠完全沒有抗拒, 很放心的將頭放在我的手上, 示意要我幫牠在頸上抓癢, 真的很有趣...還有, 我們要離開的時候, 牠更跟著我們走, 像是一隻狗...那一刻, 真有衝動想將牠帶回家, 因為我第一次被街貓跟著, 當時心裏想:「難道牠喜歡我, 想跟我走?」但我心想的, 並不代表是牠所想的, 最後, 我當然沒有將牠帶走, 因為我知道牠的家應該就在附近, 牠只是出來玩玩而已...

如果當時我立壞心腸要帶走牠, 據為己有, 我相信對我來說是毫無難度, 但是, 當飼養牠的家人發覺沒有了牠, 他們可能會很傷心...我不可以將自己的快樂建築於別人的痛苦身上, 所以我寧願放棄...

露台小盆栽

尋日買左4個陶瓷花盆, 希望在露台種植一些小盆栽...

我有個同事對園藝非常熟識, 他會幫我折枝種植一些植物, 而我心目中的植物包括有辣椒、檸檬葉, 羅勒及一些時花,  我希望能看著他們成長、開花、結果....

我的工作空間

今天要為你們介紹我平時工作的地方, 我基本上是用這個電腦打文件的, 17吋LCD, 夠大, 吾怕睇壞眼...另外一個是連接廟內的銷售系統, 所以吾係經常用, 通常幾日先開一次...

大家有無留意我張枱除左個廁紙桶和memo座外, 我沒有擺放任何私人物品, 以前舊公司滿枱都是自己的東西, 但可能因為而家份工同政府工有d相似, 所以吾係好想放太多私人野啦! 其實兩者係無關係, 點解我會咁諗呢? 我吾知喎...

其實, 一眼望落去都覺得我張枱好亂, 無辦法, 多野做, 有時諗住隨便放放, 一會兒便會做, 但放放下便愈積愈多, 最後索性由得佢地...終有一天, 我會將佢地征服...

小肥三

佢係阿三, 都應該有12歲啦, 佢平時好為食, 近期佢可能思覺失調以為自己係隻狗, 所以鐘意"喱"o係枱底等媽咪跌d魚比佢食, 你睇佢仲要坐o係媽咪隻腳上面, 成個大爺咁...

阿三佢可能怕曬, 所以鐘意遮住對眼訓覺...

大家留意下佢呢個睡姿, 無錯~係雙腳朝天架~勁吾勁~

阿三呢個樣眼大大, 都幾趣緻...

你睇阿三個肚腩係吾係好大? 佢有16至17磅架, 重過d狗架...

 

我的BB

各位觀眾, 呢個就係我個BB啦！係吾係好肥肥白白呢？佢個叫就係叫BB, 而家有11歲啦! 都可以叫做係一隻老貓, 不過我永遠都只會當佢係BB架咋...佢平時最鐘意訓覺同埋玩"li埋", 可以成日都吾見人架...

你地睇下BB個表情係吾係好憂鬱? 不過佢成日都係咁架...

我們已各行各路...

今天是龍貓第一天返新工的日子...

由2006年8月14日(星期一)至2007年8月30日(星期四), 我們都是一同出門口上班的...最初我們是一同坐烈火戰車(踏單車)上路, 我在上斜位先下車, 然後他再踩到shuttle站附近泊車...每天如是...

直至幾個月前, 烈火戰車被人偷了, 我們便一同手拖手行到火車站, 然後他坐shuttle, 我坐火車, 每當他上車後, 他必定會打電話比我, 同我講「我上左shuttle啦, 你上左火車未? 」這句話雖然每天都一樣, 但感覺很甜, 雖然有些"日子"他沒有這樣做, 但曾經有過這段日子真令人回味...

由今天開始, 我們各行各路...因為他轉了新工, 工作時間不同了, 他可以遲一點出門口, 而他也不會向火車站那邊走, 因為他要坐巴士...

將來的路如有兩人同行, 當然是最好...但即使自己一個也未嘗不可...因為自己一個人較易在火車上找到空位...如兩個人便要多等幾班火車才有空車...這樣才可以找到孖位座...