今天心情很不開心...
工作上, 我很有滿足感... 但生活上, 總是不如意....
原來夢想和現實往往是不同的...
2007年8月30日 星期四
勁歌金曲k buffet
昨晚和同事第一次去唱K...
我們選擇在灣仔天樂里NEWAY唱K, 因為近公司, 而且唱完後可以坐隧巴回家, 方便各同事…這次一共六人去唱K, 有大姑奶奶, 三姑爺, 秘書小姐, file佬神, 仲有工程部的一位男同士…
今晚的價錢$98位, 連兩杯飲品, k buffet加$18, 用compass簽咭有九折, 計起來每人都係$118, 不過, 只唱得三個鐘, 如沒有人等便可以繼續唱…
我覺得這間k buffet的食物水準很差, 食物種類少, 味道只是一般, 最好味的便是雪條, 我吃了兩支, 總算填飽個肚…可以繼續唱…但是唱到8:45便叫我們埋單, 好無癮, 我們諗住會無人等, 所以預計可以唱到10點幾...
但係可能因為暑假, 有很多學生唱k呱…算…唱到9點3就9點3, 早d返屋企睇電視啦…但點知去到9點2突然cut晒我地d歌, 攪錯, 明明話9點3先完, 點解早左5分鐘? 我地梗係吾係好順啦條氣, 所以我即刻打去服務台問個究竟…「喂!有無攪錯~~做乜cut左我地d歌? 我地未夠鐘喎…仲有5分鐘….」
之後佢地答:「我搵同事入黎幫你」
當佢地d職員入到黎嘅時候, 我再講多一次…「喂!有無攪錯~~做乜cut左我地d歌? 我地未夠鐘喎…仲有5分鐘….我岩岩唱緊我最鐘意嘅歌, 你知吾知我搵得好辛苦架, 你咁樣cut我首歌, 有無攪錯先?」
個職員答: 「你地夠鐘啦, 所以我地會停歌」
之後我“拿”起張入場紙比佢睇「你睇下先, 我地6點3入黎, 而家幾點呀? 9點2咋, 仲有5分鐘」
之後個職員睇下自己隻錶話「係喎, 仲有3分鐘, 咁你地唱多一首歌啦, 我同出面d同事講」, 咁之後個職員就走左啦!
之後, 我地研究唱咩歌做我地今晚嘅ending, 要好長嘅…最後我地就揀左古怪基嘅勁歌金曲完整版, 唱足佢10分鐘…yeah!
總結：寧得罪小人, 莫得罪女人…
2007年8月20日 星期一
2007年8月16日 星期四
鴨脷洲食海鮮
8月15日(星期三)
今天放工後約了5個同事, 一起到鴨脷洲食海鮮...
人物介紹:
道長 - 精通中醫學、道學、電腦的奇人
大姑奶 - 廟宇組第一個AM (一等一好人, 又斯文)
二姑奶 - 廟宇組第二個AM (我自己)
三姑爺 - 廟宇組第三個AM (大大隻, 好好肉, 口花花, 樣衰衰)
file佬神 - 文員小姐, 能清楚背出所有廟宇的file number, 第幾個櫃, 第幾行, 第幾個位...
秘書小姐 - 大老細秘書, 小道消息情報員
這次食飯可以說是同事之間第一次的gathering, 雖然平時lunch也有一齊食飯, 但感覺是完全不同的...我們放工未到5:30已預備好準時「走人」, 時間一到5:33(公司放工時間)我們便互相打眼色, 示意「走得未」?不過秘書小組在放工前被大老細捉住, 要遲十五分鐘才能走, 所以我們兵分兩路出發, 因為我們要趁街市未收前買靚海鮮...
我當然是第一批出發, 因為我已急不及待離開公司, 我們坐巴士很快便到了鴨脷洲街市, 入到街市只有幾檔是賣海鮮的, 我們最後揀了大蜆、細蜆、兩大隻羔蟹, 合共$190, 然後再買$20賴尿蝦, $25墨魚, $45泥蜢魚, 全部加起來都只不過是$280...
我們將一袋二袋的海鮮交到街市樓上的食市代為烹調, 最後有粉絲蝦米冬菜大蜆湯、豉椒炒蜆、蛋白蒸羔蟹、陳皮蒸泥蜢、椒鹽賴尿蝦、白勺墨魚...之後再加多兩隻乳鴿和一蝶菜...最後埋單$480, 加上之前買的海鮮$280, 合共$760, 即是每人$125, 價錢都很合理, 最緊要是好好味...
2007年8月8日 星期三
2007年8月6日 星期一
Becky回來了~~
星期日收到一個好朋友電話, 她從日本來了, 她就是becky...
becky是個日本人, 她是我在聾人中心認識的好朋友, 她能操5種語言, 有日文、英文、廣東話、普通話, 還有日本手語, 我覺得她是一個很聰明又獨立的女孩子, 她很喜歡香港, 所以她經常來香港, 而且她又曾經在深圳讀書一年, 在深圳這個既複雜又危險的地方, 她能獨立生活的確不容易, 所以我很佩服她的勇氣...
她這次來香港將會在中文大學讀碩士課程, 讀完後便希望能在中大教日文, 由於她本身已操流利的廣東話, 所以我覺得如她完成課程後, 在香港找份工作的確不難...
昨天我致電約她來我家吃晚(其實是大家一起玩煮飯仔...), 我們約在上水火車站等, 然後一起到石湖墟街市買蜆、蝦和一些蔬菜, 之後便回家...
最後我們一起煮了兩餸一湯, 有麵豉大蜆湯、可樂雞翼及金銀蝦炒絲瓜(金銀蝦即是蝦乾和鮮蝦, 是我奶奶改的名字, 真有趣!)
味道如何? 當然是好味到不得了 :p
吃過飯後, 我們打開becky給我和龍貓的禮物, 是兩隻很漂亮的雕花玻璃杯, 還有一盒很精美的餅...那麼美的東西, 叫我怎捨得吃和怎捨我用來盛水呢?
becky這一年的課程會集中在晚上, 各位朋友如有興趣學習日文, 可以請她私人或小組教授...
2007年8月3日 星期五
日日做到無停手...
現在每天上班都要處於作戰狀態, 因為要做工作排山倒海, 接踵而來, 真的是「日日做到無停手...做做無停手...只有晏晝食飯嘅時候...抖一抖...抖一抖...」
不過繁忙中也有滿足的時候...今天出了一張3版A4的通告, 兩個經理每人只改了一次便通過可以發出, 以前起碼要改數次才可發出, 但這次究竟是我文筆有進步, 還是經理們沒有時間斟酌那些小問題而草草通過呢? 當然我希望是前者的原因...不過無論如何, 改兩次總好過改十次...
近來心情非常緊張, 因為就公務員薪酬調整至舊有起薪點的方案, 我個人當然非常贊成, 因為我是有份受惠的一小撮人, 如果真的可以調整至舊有起薪點, 保守估計都有幾K...但是現在還是未知之數, 不過幾日前有同事收到小道消息說「被否決」, 但前兩天又收到另一些同事說「有機會」...所以現在心情真的很緊張... 我很希望「有」, 因為這一刻我很需要錢...有錢的話, 所有問題都能解決...但最怕是希望愈高, 失望愈大, 順其自然以平常心面對吧!
訂閱：
意見 (Atom)